4 sesiwn olynol wythnosol £ 40 Oedolion: 09.30 - 12.00 Plant Iau: 13.30 - 16.00 Lleoliad: Canolfan Gweithgareddau Dŵr Bae Caerdydd

27 Gorffennaf  | 3 Awst | 10 Awst | 17 Awst 31 Awst | 7 Medi | 14 Medi | 21 Medi 5 Hydref | 12 Hydref | 19 Hydref | 26 Hydref

 

“Ers agor Canolfan Gweithgareddau Dŵr Bae Caerdydd yn 2005, rwyf wedi cymryd rhan bersonol wrth ddatblygu cysylltiadau chwaraeon ag ysgolion uwchradd yng Nghaerdydd trwy Ymddiriedolaeth Steve Redgrave. Mae’r grant wedi galluogi plant ledled prifddinas Caerdydd i ddarganfod y gweithgaredd cynyddol boblogaidd Rhwyfo Dan Do.” Syr Steve Redgrave

Rhwyfo Addasol

Mae rhwyfo addasol ar gyfer pobl ag anableddau wedi’i gyfyngu gan ddiffyg cyfleusterau am nifer o flynyddoedd.

Mae grwpiau arbennig ag anableddau corfforol a dysgu wedi’u gwahardd yn flaenorol rhag cymryd rhan mewn rhwyfo oherwydd offer annigonol ac anaddas. Fodd bynnag, oherwydd newidiadau â’r ddeddfwriaeth a disgwyliadau chwaraeon, mae hwn yn weithgaredd sy'n cynyddu’n gyflym ymysg pobl ag anableddau. Drwy ymdrin â materion mynediad a darparu offer arbenigol gan gynnwys cychod sefydlog â seddi cymorth osgo, gall Antur Caerdydd sicrhau bod rhwyfo’n bosibl i bawb sy’n dymuno rhoi cynnig arno.

Ynghyd â datblygu lleoliadau rhwyfo hygyrch ac ystod o offer rhwyfo wedi’u haddasu, nid yn unig oes angen i ni gynnig darpariaeth sylfaenol, ond mae angen i ni sicrhau bod fframwaith yn bodoli ar gyfer datblygu cyfleoedd ystyrlon ar draws y sbectrwm perfformio. Rydym yn dangos hyn yn eglur yn Antur Caerdydd â rhwyfwr profiadol, lleol sy'n cynrychioli'r DU â Rhwyfo Addasol ar lefel olympaidd, diolch i’r llwybr datblygu perfformio sydd ar gael. Mae’n falch gennym ddweud fod gennym hyfforddwyr sy’n gallu datblygu athletwyr ar gyfer y gystadleuaeth Paralympaidd yn y dyfodol.

Mae’r ganolfan yn gweithio mewn partneriaeth â Chwaraeon Anabledd Cymru, Ffederasiwn Chwaraeon Anabledd Cymru (FDSW), ac mae wedi'i chydnabod gan y Corff Llywodraethu Cenedlaethol (Cymdeithas Rhwyfo Amatur Cymru) fel “Glasbrint ar gyfer Arfer Gorau”.
 

Cysylltwch â’r ganolfan ar y rhif (029) 2035 3912 i gael rhagor o wybodaeth