[Saesneg]

Bydd pob gweithgarwch yn rhoi’r cyfle i chi ddysgu sgiliau newydd a gwella gwaith tîm. Mae’r cwrs hwn yn addas i blant rhwng 8 a 16 oed a gallwn ddarparu ar gyfer hyd at 35 o bobl ar bob cwrs.

Aml-weithgareddau yn Llanisien

Gweithgareddau Antur Cynhwysol

Gweithgareddau cyffrous i bobl ag anableddau

Gall Antur Caerdydd ddarparu gweithgaredd neu raglen addas sy’n darparu profiad cyffrous i bobl ifanc ac oedolion sy’n dymuno cyfranogi a phrofi gweithgaredd awyr agored ym Mae Caerdydd a'r afonydd amgylchynol. Mae’r ganolfan yn gweithio i ddatblygu partneriaethau â sefydliadau statudol a gwirfoddol sy'n darparu cyfleuster cynhwysol yn cynnig gweithgareddau â chanŵa, canŵod dwbl, caiacio, hwylio, rhwyfo a rafftio.

Gellir trefnu gweithgareddau trwy ymgynghori ag unrhyw sefydliad sydd eisiau cynnig gweithgaredd neu drip yn y ganolfan gweithgareddau dŵr.

Mae’r holl staff wedi derbyn hyfforddiant anabledd ac wedi cymryd rhan â gweithio â grwpiau agored i niwed mewn gweithgareddau awyr agored. Gellir darparu offer addasadwy ac arbenigol ar gyfer unrhyw anabledd neu nam gan gynnwys defnyddwyr cadeiriau olwyn.

Cysylltwch â’r Ganolfan i gael rhagor o wybodaeth.

Aml-weithgareddau ym Mae Caerdydd

Gall Antur Caerdydd ddarparu ar gyfer grwpiau bach a mawr, gan gynnig ystod o weithgareddau cyffrous o rwyfo i feicio mynydd, hwylio i ddatrys problemau a chanŵa i ddringo dan do. Mae’r gweithgareddau hyn wedi’u seilio ar grwpiau ac rydym yn hapus i ddylunio rhaglen sy’n addas ar gyfer pob archeb.

Mae Antur Caerdydd yn rhagori o ran darparu rhaglenni aml-weithgaredd diwrnod neu wythnos o hyd i grwpiau ieuenctid, colegau, teuluoedd a ffrindiau.

Pam na rowch gynnig ar siwrne Aml-Weithgareddau, gan gynnwys beicio mynydd a thrip ar yr afon efallai?