|
Ein Canolfannau
Mae Canolfan Gweithgareddau Dŵr Bae
Caerdydd wedi’i lleoli’n ddelfrydol yn y cyfleuster pwrpasol yn Ne Caerdydd,
ar ymyl yr Afon Taf. Â’n llithrffordd a phontynau pwrpasol, dyw'r dŵr ond
tafliad carreg o’r cyfleuster. O fan hyn mae gennym gysylltiadau rhagorol i
Daith Taf a gweddill Bae Caerdydd, yn ogystal â hwylio, rhwyfo a chanŵa.
Mae Canolfan Llanisien wedi’i lleoli yng Ngogledd Caerdydd. Mae wedi bod yn
ganolfan hwylio am dros 25 mlynedd, ac wedi sefydlu enw da am ei
gweithgareddau chwaraeon dŵr. Wedi’i lleoli yn amgylchedd prydferth Cronfa
Ddŵr Llanisien, mae’r ganolfan yn lleoliad dysgu delfrydol i forwyr o bob
gallu, o'r dechreuwr i'r rhai mwy brwdfrydig.
Ein Staff
Mae holl aelodau’r tîm wedi ymrwymo i sicrhau bod rhaglenni’n
cael eu darparu i’r safonau proffesiynol uchaf.
Mae gan yr holl hyfforddwyr gymwysterau Hyfforddi Cenedlaethol y Corff
Llywodraethu priodol gan y Gymdeithas Hwylio Frenhinol (RYA) ac Undeb Canŵa
Prydain (BCU), a’r profiad perthnasol angenrheidiol yn y gweithgareddau a
oruchwyliant.
Ein Cyrsiau
Mae Antur Caerdydd yn cynnig mynediad i
chwaraeon dŵr a gweithgareddau ar y tir yng nghalon y ddinas. Yn Llanisien a
Bae Caerdydd mae gennym yr holl offer sydd ei angen arnoch am amser difyr a
diogel.
Rydym yn arbenigo mewn defnyddio amrywiaeth o gychod a chynigir esboniad am
bob cwrs yn y llyfryn. Mae’r holl weithgareddau’n ddibynnol ar y tywydd, a
all arwain at ganslo'r cwrs. Fodd bynnag, byddwn yn gwneud pob ymdrech i
ddarparu ar gyfer pawb sydd wedi trefnu lle pe bai rhaid canslo.
Archebu’n Unigol ac mewn
Grwpiau
Os nad ydych erioed wedi profi gwefr
chwaraeon dŵr yna dyma eich cyfle! Rydym yn darparu ar gyfer amaturiaid a
rhai proffesiynol o 8 oed a throsodd. Gall pobl ifanc neu oedolion archebu’n
unigol neu fel rhan o grŵp mwy, gan ddewis dyddiadau, amseroedd a
gweithgareddau. Gall y ddwy ganolfan ddarparu ar gyfer hyd at 35 o bobl.
Bydd angen archebu ar gyfer grŵp o dros 20 o bobl cyn gynted â phosibl.
Ffoniwch y ganolfan am ragor o fanylion ar
Ymweld â ni cyn
archebu
I ddarganfod mwy am safleoedd Bae Caerdydd neu Llanisien, mae croeso i chi
ddod draw ac edrych o gwmpas. Efallai bydd gan arweinwyr grŵp, rhieni ac
aelodau’r grŵp ddiddordeb cael taith o gwmpas y cyfleusterau a gweld y
gweithgareddau a gynigir.
Mynediad i Bawb
Mae Mentro Allan yn cynnal rhaglenni
sy’n helpu i ddatblygu cyfleoedd newydd i bobl ag anableddau yn ardal
Caerdydd. Rydym yn sefydliad partner sy’n darparu gweithgareddau anturus
hygyrch trwy ‘Arloesi', ar ran Mentro Allan ac rydym wedi ymrwymo i barhau â
hyn yn 2008.
Yn Iach i’r Amgylchedd
Mae’r rhan fwyaf o’r bobl yn fwy
nag ymwybodol o’r effaith sydd gennym ar yr amgylchedd. Mae’r rheiny ohonom
sy’n treulio ein hamser hamdden yn yr awyr agored yn ymwybodol o’r angen i
amddiffyn yr amgylchedd naturiol drwy fabwysiadu arferion sy'n iach i'r
amgylchedd. Rydym yn meddu ar y safon Draig Werdd Lefel 5, safon
amgylcheddol cenedlaethol Cymru, sy'n cysylltu â pholisi cynaliadwyedd
cyffredinol yr Awdurdod Harbwr a Chyngor Caerdydd.
Ein Prisiau a’n
Cymwysterau
Mae ein prisiau wedi’u rhestru yn y
tablau dan bob cwrs. Mae prisiau’r cyrsiau yn cynnwys yr holl hyfforddiant,
offer; llyfrau log a thystysgrifau lle bo’n briodol.
Mae costau ieuenctid yn berthnasol i fyfyrwyr rhwng 8 ac 16 oed.
Mae’n holl Gyrsiau Hwylio'n dilyn maes llafur y RYA. Bydd y myfyriwr yn
derbyn y dystysgrif briodol, os cyflawnir holl ofynion y Cwrs.
Ar gyfer Cyrsiau Chwaraeon Padlo gallwn gynnig ‘Pŵer Padlo’, BCU Cyfnod
Allweddol 3 a 4; y Rhaglen Rhwyfo Iau Cenedlaethol ‘Go Row’ a Thystysgrif
Rhwyfo â llafnau 1 a 2’.
Arlwyo
Mae Canolfan Gweithgareddau Dŵr Bae Caerdydd yn cynnig cyfleuster
arlwyo â pheiriannau gwerthu, fodd bynnag argymhellir i chi ddod â'ch
cinio'ch hun os ydych yn dod am sesiwn diwrnod llawn. Gellir archebu cinio
parod ar gyfer grwpiau wrth archebu. Mae angen o leiaf 1 wythnos o rybudd.
Nid oes gennym unrhyw gyfleusterau arlwyo yn Llanisien.
|
